Для Бога мы ўсе індывідуальнасці. Ён хоча з кожным будаваць асабістыя адносіны. Можа здарыцца так, што, каб вырашыць нейкія справы, я захачу замяніць умацаванне кантакту з Хрыстом на дапамогу чалавека, які, на маю думку, мае больш цесны кантакт з Богам. Альбо пачну асуджаць людзей за тое, што яны не жадаюць жыць з Усявышнім. І ў гэты момант Езус кажа: што табе да таго? Ідзі за Мною...

Не варта асуджаць другога чалавека. Таксама перад тым, як нешта раіць, неабходна ўмацаваць уласныя адносіны з Богам. Пісанне кажа, што калі сляпы вядзе сляпога – абодва зваляцца ў яму (Лк 6, 39).

Варта памятаць, што Бог ужо прысутнічае ў маім жыцці. Я не заўсёды адчуваю Яго, але магу прыпамінаць сабе тыя моманты, калі выразна дасведчыў Божай дабрыні і апекі. Якія я маю спосабы ўмацавання адносін з Усявышнім?

Калі я буду займацца маімі адносінамі з Богам, то зразумею, чаму не варта ацэньваць людзей навокал. Магу сёння спытаць сябе, ці, гледзячы на бліжняга, не шукаю нагодаў, каб асудзіць яго?

Езус звяртаецца да мяне асабіста, кліча па імені. Адказваючы і збліжаючыся да Яго, я выражаю веру ў тое, што Хрыстос так жа павядзе ўсіх, хто дарагі майму сэрцу. Божа, Ты дзейнічаеш у маім жыцці, нават калі я не заўважаю гэтага. Дзякую Табе. Дапамажы мне памятаць, што мы ўсе у тваіх найлепшых руках як любячага Айца.